قد ضحكتي على طفلك ماقدرتي تمسكين نفسك!!

السلام عليكم ورحمة الله وبركاته

طبعا الام مدرسة اذا اعددتها اعدتت شعبا طيب الاعراق..(وش تبي المقدمة ) هههه

بس بصراحة صار موقف اليوم مت ضحك على بنتي ام 9 شهور (مالي غيرها الله يحفظها يارب ويهديها)
وبصراحة نقدت على نفسي احس البنت تناظرني وانا ميتة ضحك ووجهها تغير احس احرجتها بس غصصصصصب عني
احس مااصلح ام ههههه

الموقف الي صار تفضلوا اقروه...

عندي كاميرا شاريتها من يوم كنت حامل عشان اصور هالبنت ولا استخدمتها الا من كم يوم بس..
كنا طالعين للبر وصورت زوجي وهو شايل بنتي..وصورت صور ثانية ومقاطع فيديو وحركات
اليوم شبكت الكاميرا على التلفزيون بجربها واتفرج عالتصوير بنتي بمشايتها تحوس عندي بالصالة وتتفرج معي وانا مشغولة عنها افرفر الصور فجأه البنت صاحت صياح دلع
التفتت اناظرها لقيتها جايه للشاشه وتصيح تتشره..اثرها شافت صورة ابوها بالتلفزيون تبيه يشيلها

والله يافطست ضحك ماصدقت ان تفكيرها كذا غيرت الصورة سكتت ورجعت الصورة ثاني مرة صااااحت وترفع يدينها..
مااااااااقدرت امسك نفسي ضحكت ضحك احسها مسكينه خاااافت ..!!

وش رايكم بس بالذكااااء

عاد يوم جاء ابوها شغلت الكاميرا ثاني مرة وحطيت الصورة وابوها جنبها جلست تناظر هنا وهنا ومسكت خشم ابوها وماصاحت.......

الي صار لها موقف زي كذا مع عيالها تقوله بجد احس نقدت على نفسي واستحيت كيف ضحكت عليها خخخخخ
اخاف بكرا اذا كبرت وسوت موقف مضحك وضحكت عليها بقوة تتعقد ههههه احس غلط مرة..